Արքայազն Հարիի ու հոր հարաբերությունները կարգավորվել են, սակայն նա դեռ չի հաշտվել եղբոր հետ
Փոքր-ինչ կարգավորվել են արքայազն Հարիի եւ նրա հոր՝ արքայազն Չարլզի հարաբերությունները, որոնք տուժել էին, երբ Հարին ու Մեգան Մարքլը տեղափոխվել էին ԱՄՆ ու հրաժարվել արքայական ընտանիքի ավագ անդամների պարտականություններց։ Նրանք ամիսներ շարունակ չէին խոսում միմյանց հետ, հայտնում է The Telegraph-ը։
«Հարին ու Չարլզը մշտապես զանգահարում են միմյանց ու շփվում։ Ւսկ Ուիլյամն ակնհայտորեն պատրաստ չէ ներել եղբորը արքայական ընտանիքում «թակարդի» վերաբերյալ խոսքերի համար»,- հայտարարել է փորձագետ Կամիլա Թոմինին։ Նա ընդգծել է, որ այդ կոնֆլիկտի առումով զարմանալի ոչինչ չկա։
«Համաձայնեք, որ մի ընտանիքում ընդունված չէ, որ նրանց կյանքի ինտիմ մանրամասները հանրայնացվեն բազմամիլիոնանոց լսարանի առաջ։ Դա տգեղ էր»,- ընդգծել է Թոմինին։ Ընդ որում, նրա խոսքով, Հարիի եւ Ուիլյամի միջեւ տարաձայնությունները շատ ավելի խորն են։ Եվ այն ընդհանուր առմամբ կապված են ոչ թե հարցազրույցի, այլ Մեգան Մարքլի հետ։
