Mediahub-ի ֆոտոշարքը՝ Եպիսկոպոսական ձեռնադրության և օծման արարողությունից
Հոկտեմբերի 8-ին Մայր Աթոռ Սուրբ Էջմիածնի Սուրբ Տրդատի բաց խորանում, հընթացս Սուրբ Պատարագի, տեղի է ունեցել եպիսկոպոսական ձեռնադրություն և օծում` ձեռամբ Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի:
Եպիսկոպոսության աստիճան ստացան Իրաքի հայոց թեմի առաջնորդ Հոգեշնորհ Տ. Օշական վարդապետ Գյուլգյուլյանը, Երուսաղեմի Հայոց Պատրիարքության տնօրեն ժողովի ատենապետ Հոգեշնորհ Տ. Թեոդորոս ծայրագույն վարդապետ Զաքարյանը, ԱՄՆ Հայոց Արևելյան թեմի առաջնորդ Հոգեշնորհ Տ. Մեսրոպ վարդապետ Պարսամյանը, Երուսաղեմի Հայոց Պատրիարքության կալվածոց տեսուչ Հոգեշնորհ Տ. Կորյուն վարդապետ Բաղդասարյանը և Վիրահայոց թեմի առաջնորդ Հոգեշնորհ Տ. Կիրակոս վարդապետ Դավթյանը:
Եպիսկոպոսական ձեռնադրության և օծման արարողությունը MediaHub-ի ֆոտոլրագրող Գեղամ Մկրտչյանի լուսանկարներում:
