Հունահռոմեական ոճի Մ 23 ըմբիշները նվաճել են երեք բրոնզե մեդալ
Հունահռոմեական ոճի ըմբշամարտի Հայաստանի մինչեւ 23 տարեկանների հավաքականը Պլովդիվում անցկացված այս տարիքային խմբի Եվրոպայի առաջնությունում նվաճել է երեք բրոնզե մեդալ:
Պատվո պատվանդանի երրորդ աստիճան բարձրացել են 60 կգ քաշային Տիգրան Մինասյանը, 67 կգ՝ Սահակ Հովհաննիսյանը եւ 72 կգ՝ Շանթ Խաչատրյանը:
Ազգային հավաքականի գլխավոր մարզիչ Էդուարդ Սահակյանը մրցավայր տարել էր ինը ըմբիշի:
