Էրդողանն առաջարկել է միջնորդ դառնալ Ռուսաստանի և Ուկրաինայի միջև
Թուրքիայի նախագահ Թայիփ Էրդողանն առաջարկել է միջնորդել Ռուսաստանի և Ուկրաինայի միջև բանակցություններում, հայտարարել է Թուրքիայի նախագահի աշխատակազմի հանրային կապերի բաժնի ղեկավար Ֆահրեթթին Ալթունը։
«Մենք հերթական պատերազմին ենք ականատես լինում մեր տարածաշրջանում, նախագահ Էրդողանն առաջարկել է միջնորդ հանդիսանալ Ռուսաստանի և Ուկրաինայի միջև, քանի որ մենք ամուր հարաբերություններ ունենք երկու երկրների հետ»,- գրել է Ալթունը Twitter-ում։
Նրա խոսքով՝ Անկարան «դիվանագիտական մակարդակով ամեն ինչ արեց՝ ներկա իրավիճակը կանխելու համար»։ «ՄԱԿ-ի համակարգը բարեփոխելու մեր կոչերը անտեսվեցին, և մենք տեսանք դրա սարսափելի հետևանքները վերջին ճգնաժամում: Այս պատերազմից կարելի էր խուսափել, եթե մեր կոչերը լսվեին: Մենք բազմիցս կոչ ենք արել դիվանագիտական լուծում գտնել, բայց այժմ պատերազմ է, իրականությունն է մեր առջև Տարածաշրջանային և գլոբալ մի շարք հարցերի շուրջ միջազգային հանրության միասնության բացակայությունը լուրջ խնդիր էր, ինչպես և ռուս-ուկրաինական ճգնաժամի ժամանակ»,- ասել է Ալթունը։
