ՀՀ-ն Աղդամի հետ գործ չունի, խոսում է բացառապես Լաչինի միջանցքի մասին. ՔՊ-ական
Հարաբերությունների կարգավորման փաստաթուղթը հեշտ չի տրվելու։ Առաջարկներով փոխվելու փուլն է, սակայն ոչ մի գործընթաց փակուղում չի գտնվում։ Այս մասին ԱԺ ճեպազրույցների ժամանակ հայտնեց «Քաղաքացիական պայմանագիր» խմբակցության քարտուղար Արթուր Հովհաննիսյանը։
«Պետք է ասեմ, որ վերաձևակերպած կամ ջնջած-հետ ուղարկած առաջարկները բանակցության մի փուլն է, քանի որ Հայաստանի նպատակներից մեկը տարածաշրջանում խաղաղության հասնելն է։ Ինչպես, օրինակ, հայկական կողմն է խմբագրում ադրբեջանական կողմի առաջարկները, ապա այդպես էլ իրենք են անում և դա միանգամայն նորմալ գործընթաց է»,- նշեց ՔՊ-ական պատգամավորը։
Անդրադառնալով Լաչինի միջանցքի մասին հարցին, նա ասաց.
«Հայաստանը շարունակում է պնդել, որ Լաչինի միջանցքը պետք է բացվի։ Հայաստանը նոյեմբերի 9-ի հայտարարությունը ստորագրող կողմերից մեկն է, և մենք մեր ստորագրության տերն ենք։ ՀՀ-ն շարունակելու է պնդել Լաչինի միջանցքի բացման մասին։ Ինչ վերաբերվում է Աղդամի ճանապարհին, ապա դրանք լիովին գտնվում են Լեռնային Ղարաբաղի իշխանությունների ձեռքում ՝ ՀՀ-ն բացառապես խոսում է Լաչինի միջանցքի մասին»:
Մանրամասները՝ տեսանյութում
