Ընդդիմության հերթական «կարմիր գիծը» «կանաչեց» 

Սահմանագծման և սահմանազատման կանոնակարգը վավերացվեց:

Ազգային ժողողվի խորհրդի որոշմամբ հարցը կներառվի ԱԺ հերթական նիստերի օրակարգում։

Թեպետ քննարկման ժամանակ ընդդիմության ներկայացուցիչները մատնանշել են Հայաստանի համար սպառնալիք հանդիսացող բազմաթիվ  փաստեր, այնուամենայնիվ 5 կողմ, 3 դեմ ձայների հարաբերակցությամբ, սահմանագծման և սահմանազատման կանոնակարգը վավերացվեց ԱԺ արտաքին հարաբերությունների մշտական հանձնաժողովի նիստում։

Կանոնակարգի բովանդակության մասին վերստին խոսելու անհրաժեշտություն չկա. փաստաթղթին, դրա ռիսկերին անդրադարձել եմ տասնյակ անգամներ:

Հիմա ավելի տեղին է անդրադառնալ խորհրդարանական ընդդիմությանը, Կանոնակարգի դեմ փողոցում պայքար ծավալող Սրբազան շարժմանը:

Այս հարցը նրանց կողմից համարվել էր «կարմիր գիծ», անգամ ակնարկներ էին հնչել մանդատները վայր դնելու մասին:

Սակայն, ինչպես տեսնում ենք, «կարմիր գծերը» նույնքան հարաբերական են ոչ միայն հայ-ադրբեջանական հարաբերություններում ամեն ինչ զիջող իշխանության, այլ նաև խորհրդարանական ընդդիմության համար:

Էլ չեմ խոսում Սրբազան պայքարի մասին, որի խոսքերը պայքարի նոր հանգրվանի, «աշունը Մայիսի 9-ի սպասումների փուլ դարձնելու մասին» պարզապես փաստազուրկ իրականություն են:

Երկրում ստեղծվել է մի իրավիճակ, որը պահանջում է միանգամայն նոր ընդդիմադիր առաջնորդություն:

Սուրեն Սուրենյանց