Ռեալը կրկին սայթաքում է․ «Բարսելոնան» վերջին պահին կորզել է հաղթանակը

Կիրակի օրը՝ մարտի 19-ին, Իսպանիայի առաջնությունում կայացավ 26-րդ տուրի կենտրոնական «Բարսելոնա»-«Ռեալ» հանդիպումը։ Բարսելոնայի՝ «Կամպ Նոու» մարզադաշտում  կատալոնացիներն ընդունել էին Մադրիդի «Ռեալին»: Խաղն ավարտվեց 2-1 հաշվով՝ դաշտի տերերի հաղթանակով։

Խաղի արդեն 9-րդ րոպեին Արաուխոն գրավեց սեփական դարպասը՝ հաշվի մեջ առաջ մղելով մադրիդցիներին։ Առաջին կեսի վերջին րոպեին Սերժի Ռոբերտոն հավասարեցրեց հաշիվը:

81-րդ րոպեին Ասենսիոյի դարպասի գրավումից հետո մրցավարը՝ VAR-ի միջամտությամբ, չհաշվեց գոլը: Խաղի հիմնական ժամանակին ավելացված 2-րդ րոպեին Կեսյեն գրավեց «Ռեալի» դարպասը՝ հաղթանակ պարգևելով իր թիմին:

Այս խաղից հետո «Բարսելոնան» շարունակում է 68 միավորով գլխավորել մրցաշարային աղյուսակը, իսկ «Ռեալը» 56 միավորով երկրորդն է։

«Ռեալն» ու «Բարսելոնան» ընթացիկ մրցաշրջանում չորրորդ հանդիպումն են անցկացրել։ Ավելի վաղ Լա Լիգայի 9-րդ տուրում «սերուցքայինները» հաղթել էին (3:1), կատալոնացիները հաղթել էին  Իսպանիայի Սուպերգավաթի եզրափակիչ խաղում (3:1) և կիսաեզրափակչի առաջին խաղում, երկրի գավաթի խաղում (1:0):