ԱՄՆ-ում COVID-19-ից ավելի քան 1 մլն մարդ է մահացել
ԱՄՆ-ում ավելի քան մեկ միլիոն մարդ է մահացել COVID-19-ի հարուցած բարդություններից: Նման տեղեկություն է հրապարակել Ջոնս Հոփկինսի համալսարանի կայքը:
Համալսարանի տվյալներով՝ մայիսի 17-ի դրությամբ քովիդից մահվան դեպքերի թիվը գերազանցել է 1 000 037-ը:
Պանդեմիայի ողջ ընթացքում երկրում հայտնաբերվել է հիվանդացության 82 690 545 դեպք:
Մայիսի 12-ին ԱՄՆ նախագահ Ջո Բայդենը հայտարարել էր, որ քովիդը մեկ միլիոն ամերիկացու կյանք է խլել: Նա անվանել է դա անգնահատելի կորուստ:
