Պենտագոնը պատրաստվում է կրճատել մինչև 76.000 աշխատակցի
ԱՄՆ պաշտպանության նախարար Փիթ Հեգսեթը հուշագիր է ստորագրել պաշտպանության նախարարությունում քաղաքացիական ծառայողների թվի կրճատման մասին՝ կապված ԱՄՆ նախագահ Դոնալդ Թրամփի վարչակազմի կողմից կառավարական գերատեսչությունների անձնակազմի կրճատման որոշման հետ, հայտնել է Bloomberg գործակալությունը։
Ավելի վաղ ԱՄՆ պաշտպանության նախարարությունը հայտարարել էր քաղաքացիական անձնակազմի 5-ից 8 տոկոսը կրճատելու պլանների մասին: Ներկայումս գերատեսչությունում աշխատում է մոտ 950 հազար պետական ծառայող, ինչը նշանակում է, որ կրճատումները կարող են ազդել մինչև 76 հազար մարդու վրա։
Սակայն, ըստ Պենտագոնի հայտարարության, մարտի 28-ին Հեգսեթի կողմից ստորագրված փաստաթղթում նշված չէ գերատեսչությունում առաջիկա կրճատումների նպատակային տոկոսը:
Հաղորդագրության մեջ Հեգսեթը նաև կոչ է արել իրականացնել «հետաձգված կենսաթոշակային ծրագիրը» և առաջարկել կամավոր վաղաժամկետ կենսաթոշակի անցնել այն քաղաքացիական ծառայողներին, ովքեր իրավասու են:
