Երևան-Կապան չվերթը չեղարկվել է․ ի՞նչ է հայտնի
MediaHub-ն այսօր տեղեկացավ, թե Երևան–Կապան չվերթը չեղարկվել է, չեղարկվել է նաև ցերեկը կայանալիք Կապան–Երևան չվերթը։
MediaHub-ի հետ զրույցում Քաղաքացիական ավիացիայից պարզաբանեցին, թե ո՞րն էր պատճառը, որ չվերթները չեղարկվել են։
«Եղանակային պայմաններն են պատճառը, այսօր առավոտ բավականին մառախլապատ էր, չվերթը տեղափոխվել է չորեքշաբթի՝ դեկտեմբերի 22-ին»,- նշեցին Քաղաքացիական ավիացիայից։
Նշենք, որ միջազգային չվերթների վրա եղանակային վատ պայմանները չեն անդրադարձել, ըստ օդանավակայանի կայքի՝ Երևանից Աբու Դաբի, Շարժա, Մոսկվա, Միներալնիե Վոդի, Լառնակա, Քիշնև, Բուդապեշտ և այլ ուղղություններով թռիչքներն իրականացվել են ըստ ժամանակացույցի։
Մարիաննա Արամյան
