Պատրաստ եմ հանդիպել Կիմ Չեն Ինի հետ․ Բայդեն
ԱՄՆ նախագահ Ջո Բայդենը Հարավային Կորեայի նորընտիր նախագահ Յուն Սոկ Յոլի հետ հանդիպումից հետո հայտարարել է, որ պատրաստ է հանդիպել Հյուսիսային Կորեայի առաջնորդ Կիմ Չեն Ինի հետ, եթե վերջինս դրան լուրջ մոտենա և անկեղծություն ցուցաբերի։
«Իմ հանդիպումը Հյուսիսային Կորեայի առաջնորդի հետ կախված է նրանից, թե որքանով անկեղծ և լուրջ կգտնվի նա»,- ասել է Բայդենը։
ԱՄՆ նախագահը Հարավային Կորեա է ժամանել նախօրեին՝ մայիսի 20-ից 24-ը ասիական երկրներ նախատեսված իր այցի շրջանակներում։ Նրա հաջորդ կանգառը Ճապոնիան է լինելու։
