Փաշինյան֊Ալիև հանդիպում տեղի կունենա՞ 

Հունվարի 21-ին շվեյցարական Դավոսում մեկնարկել է Դավոսի Համաշխարհային տնտեսական 45-րդ ֆորումը (ՀՏՖ), որը կընթանա հունվարի 21–24-ը:

Ավելի վաղ հայտարարվել էր, որ Նիկոլ Փաշինյանը այս տարի էլ կմեկնի Դավոս։ 

Նշենք, որ Ադրբեջանի նախագահ Իլհամ Ալիևն արդեն Դավոսում է։

Ե՞րբ կմեկնի Նիկոլ Փաշինյանը Դավոս․ MediaHub-ն այս հարցն ուղղեց վարչապետի մամուլի քարտուղար Նազելի Բաղդասարյանին։

«Նիկոլ Փաշինյանն այսօր կմասնակցի ԱԺ-ում կառավարության անդամների հետ հարցուպատասխանին, իսկ վաղը կմեկնի Դավոս»,– նշեց Բաղդասարյանը։

Իսկ հարցը, թե արդյո՞ք տեղի կունենա Փաշինյան֊Ալիև հանդիպում, Փաշինյանի աշխատակազմից չմեկնաբանեցին։

Մարիաննա Արամյան