ՍԴ-ն անցավ գործի

Սահմանադրական դատարանն այսօր քննում է հայ-ադրբեջանական սահմանազատման հանձնաժողովների կանոնակարգում ամրագրված պարտավորությունների՝ Սահմանադրությանը համապատասխանության հարցը։

Սահմանադրական դատարանի դրական որոշման դեպքում փաստաթուղթը Կառավարությունը կուղարկի Ազգային ժողով՝ վավերացման:

Գրեթե կասկած չկա, որ ՍԴ-ն դրական եզրակացություն է տալու կանոնակարգին, որից հետո այն հայտնվելու է խորհրդարանում:

Խորհրդարանական մեծամասնության վարքագիծը նույնպես կանխատեսելի է:

Ի՞նչ է անելու խորհրդարանական ընդդիմությունը:

Արդյո՞ք մասնակցելու է այդ նիստին՝ գրեթե վստահ լինելով, թե ո՞րն է լինելու քվեարկության պատկերը:

Արդյո՞ք խորհրդարանական ընդդիմությունը, Սրբազան պայքարի հետ միասին, փորձելու է փողոց ակտիվացնել՝ տապալելու համար Կանոնակարգի ընդունումը:

Այս հարցերի պատասխանը դեռ չունենք:

Միայն տեղյակ ենք, որ հոկտեմբերի 2-ին Բագրատ Սրբազանն ազդարարել է փողոցային պայքարի նոր փուլը:

Բայց այստեղ խիստ սկզբունքային է, որպեսզի ընդդիմությունը կարողանա ներկայացնել իր բովանդակային այլընտրանքը՝ հայ-ադրբեջանական հարաբերությունների կարգավորման գործընթացի, կոմունիկացիաների ապաշրջափակման և դելիմիտացիա/ դեմարկացիայի գործընթացի վերաբերյալ:

Վահրամ Բագրատյան