Սննդաբանը նշել է իմունիտետի և սրտի առողջության ամրապնդման պարզ բաղադրատոմս
Սննդաբան Շառլոտ Մարտինը խորհուրդ է տվել ամեն օր մանրացված ընկույզ ուտել՝ կանխելու սրտի հիվանդությունները: Նրա խոսքերն է մեջբերել Daily Mirror-ը։
Մարտինի խոսքով՝ ամենօրյա սննդակարգում կարմիր միսը բուսական սպիտակուցով փոխարինելը զգալիորեն կնվազեցնի սրտային հիվանդությունների ռիսկը:
Սննդաբանը մսամթերքի ամենահարմար այլընտրանք նշել է ընկույզը. Նրա խոսքով՝ եթե դրանք մանրացնեք, դրանք կնմանվեն աղացած մսի հյուսվածքին։
Բացի այդ, Մարտինը նշել է, որ ընկույզը բարելավում է սննդակարգի որակը, քանի որ այն հարուստ է ճարպերով, վիտամիններով ու հանքանյութերով, իսկ դրանցում առկա պղինձն օգտակար է իմունային համակարգի ամրապնդման, ոսկորների և սրտի առողջության համար։
«Սա չի նշանակում, որ դուք պետք է վեգան դառնաք, բայց եթե երբեմն մսի փոխարեն ուտեք բուսական ծագման մթերքներ, ապա առողջության համար զգալի օգուտներ կունենաք»,- ընդգծել է սննդաբանը:
