Ձերբակալվել է ՌԴ իրավապահների կողմից հետախուզվող երիտասարդ

ՆԳՆ ոստիկանության Հրազդանի բաժնի ծառայողները, ապօրինի թմրամիջոց պահելու և օգտագործելու կասկածանքով, փետրվարի 14-ին ձերբակալել և բաժին են տարել 35-ամյա Սասուն Ա.-ին: Հայտնել է ՀՀ ոստիկանությունը։

Ստուգման արդյունքում պարզվել է նաև, որ նա 2019 թ մարտի 25-ից ՌԴ քրեական օրենսգրքի 228-րդ հոդվածի մեղադրանքով հետախուզվում էր ՌԴ Կրասնոդարի երկրամասի Նովոռոսիյսկ քաղաքի ոստիկանության կողմից: 

Հայտնաբերման մասին տեղեկացվել է հետախուզումը նախաձեռնողին և դատախազությանը: Խափանման միջոցը՝ կալանք:

`