Նկատե՞լ եք, որ ձեր տեսողությունը վատացել է․ ահա թե ինչը կարող է լինել պատճառը

Նշաններ, որոնք կարող են վկայել տեսողության խնդիրների մասին․ դրանք են՝ քորը, ցավը և աչքերում այլ տհաճ զգացողություններ, որոնք հաճախ վկայում են աչքերի հոգնածության մասին, ասում է դեղագործ Կոնստանտին Չերեմուխինը։ Սովորաբար այս ախտանշաններն ի հայտ են գալիս համակարգչի էկրանին երկարատև աշխատանքից, երկարատև մեքենա վարելուց կամ գրքեր հաճախակի կարդալուց հետո, սակայն որոշ իրավիճակներում աչքերում անհանգստությունը կարող է նաև լուրջ հիվանդությունների նշան լինել, որոնք պետք է անհապաղ բուժվեն:

Կազմակերպեք ձեր աշխատանքային կամ ուսումնական տարածքը լավ լուսավորություն ապահովելու համար: Սա հատկապես կարևոր է աշնանը և ձմռանը, քանի որ բնական լույսը զգալիորեն նվազում է: Օրինակ՝ փոշոտ միջավայրում աշխատելը գրգռում է աչքերը։ Պետք է ուշադրություն դարձնել, որպեսզի օդը զերծ լինի աշխատանքի կամ այլ պայմանների հետ կապված թունավոր նյութերից: Միշտ ապահովեք անվտանգությունն ու աչքերի պաշտպանությունը ինչպես աշխատավայրում, այնպես էլ ազատ ժամանակ: Զգուշացեք չոր օդից և ուլտրամանուշակագույն ճառագայթումից, ինչպես նաև քամու ուժեղ պոռթկումներից: Սա հատկապես ճիշտ է նրանց համար, ովքեր աշխատում են դրսում:

Տեսողությունը պահպանելու համար կարևոր է աչքերին ապահովել անհրաժեշտ վիտամիններով և հանքանյութերով: Սա հատկապես կարևոր է աշնանը, երբ հաճախ վիտամինների պակաս է լինում, ասում է դեղագործ Չերեմուխինը։ A, E, C, D, B վիտամինները, ցինկը,ինչպես նաև Օմեգա-3  կարևոր են տեսողության օրգանների բնականոն աշխատանքի համար։

Ինչ է պետք անել՝ բավականաչափ քնել: Քնի կանոնավոր պակասը բացասաբար է անդրադառնում տեսողական նյարդերի վիճակի վրա, ինչը հանգեցնում է տեսողության որակի նկատելի նվազմանը։ Ակտիվ օրվա ընթացքում յուրաքանչյուր 15 րոպեն մեկ ընդմիջումներ կատարեք։