Բժիշկը թվարկել է թուլացած իմունիտետի ախտանշանները
Թուլացած իմունային համակարգի պատճառը կարող է լինել ալերգիան, չբուժված վարակը կամ սխալ սննդակարգը։ Ասել է ընդհանուր պրակտիկանտ Լյուդմիլա Լապան։
Նա Sputnik ռադիոյին տված հարցազրույցում նշել է հաճախակի մրսածության հիմնական պատճառները։
Բժշկի խոսքով՝ առաջին պատճառը, թե ինչու իմունային համակարգը չի կարողանում արդյունավետ կերպով դիմակայել վիրուսներին ու բակտերիաներին, շփումն է ալերգենների հետ։
Երկրորդ պատճառը, ըստ մասնագետի, մարմնում վարակի քրոնիկ օջախների առկայությունն է, որոնք երբեմն առաջանում են գրիպով կամ Covid-ով տառապելուց հետո։
Թերապևտը բացատրել է, որ նման վիրուսային «հետքերը», որոնք նաև կոչվում են համառ վարակներ, հյուծում են մարմինը՝ ստիպելով իմունային համակարգին աշխատել մշտական լարվածության տակ։
Բացի այդ, Լապան նշել է, որ իմունիտետը կարող է թուլանալ, եթե մարմինը սննդից չի ստանում անհրաժեշտ սննդանյութերը։ Դա, ըստ թերապևտի, կարող է տեղի ունենալ չափազանց խիստ դիետաների կամ սննդակարգում բանջարեղենի, մրգերի, մսի կամ այլ մթերքների բացակայության պատճառով։
