Գվատեմալայում խստացրել են հղիության արհեստական ընդհատման պատիժն ու արգելել միասեռական ամուսնությունը
Գվատեմալայի օրենսդիրները մեծացրել են ազատազրկման ժամկետը կանանց համար, որոնք դիմել են հղիության արհեստական ընդհատմանը, հաղորդում է AP-ն:
Գվատեմալայի Կոնգրեսը նաեւ ընդունել է «Կյանքի ու մահվան մասին» օրենքը, որն արգելում է միասեռական ամուսնությունները:
Նախագահ Ալեխանդրո Ջամաթեին ասել է, որ այդ իրադարձությունը հրավեր է, որպեսզի գվատեմալացիները միավորվեն կյանքերը բեղմնավորումից մինչեւ բնական մահ պաշտպանելու համար:
Գվատեմալացի կայանք, որոնք դատապարտվել են հղիությունն ընդհատելու համար, այժմ կարող են ազատազրկվել մինչեւ 10 տարի ժամկետով, իսկ նախկինում պատիժը սահմանվում էր առավելագույնը 3 տարով: Կոնգրեսն ավելի կոշտ պատիժ է սահմանել բժիշկների եւ այլ անձանց համար, որոնք օգնում են կանանց հղիությունն ընդհատելու հարցում: Հղիության արհեստական ընդհատումը թույլատրվում է, եթե մայրերի կյանքերը վտանգված են:
Օրենսդիրները, որոնք նպաստել են օրենքի ընդունմանը, հայտարարել են, որ այն անհրաժեշտ է, քանի որ հասարակությունում փոքրամասնություններն առաջարկում են մտածողություն եւ պրակտիկա, որն անհամատեղելի են քրիստոնեական բարոյականության հետ:
