Մեծացնում են սրտի խնդիրների վտանգը․ բժիշկը հորդորում է երեխաների սննդակարգից բացառել որոշ բաներ
Որոշ ապրանքներ, որոնք նախատեսված են որպես հատուկ երեխաների համար ստեղծված, կարող են վնասակար լինել երեխայի համար, զգուշացրել է էնդոկրինոլոգ Դիլյարա Լեբեդեւան։
Իր Telegram ալիքում բժիշկը կոչ է արել բացառել երեխաների սննդակարգից վեց սննդային խմբեր, գրել է «Լենտան»։
Առաջին հերթին նա խորհուրդ է տվել հրաժարվել վերամշակված մթերքներից, ինչպիսիք են պանրիկներն ու երշիկեղենը։ Դրանք ծանրաբեռնում են լյարդն ու ստամոքսը, առաջացնում են բորբոքումներ աղիներում և մեծացնում գիրության և սրտի հետ կապված խնդիրների վտանգը։
Լեբեդեւան նաև խորհուրդ է տվել երեխայի սննդակարգից բացառել շաքարով հարուստ մթերքները (օրինակ՝ յոգուրտները, պատրաստի կաշաները, փաթիլները և թխվածքաբլիթները), տրանսճարպերով մթերքները (օրինակ՝ մարգարին, չիպսեր և խանութից գնված թխածքներ) և արհեստական գույներով, բուրմունքներով և համն ուժեղացված մթերքներ։
Բացի այդ, բժիշկը հորդորել է երեխաներին չտալ քաղցր ըմպելիքներ, գազավորված ըմպելիք, արագ սնունդ ու վիտամիններ, հանքանյութեր չպարունակող սնունդ՝ սպիտակ հաց, պահածոներ և ռաֆինացված մթերքներ։
«Փորձեք ընտրել բնական մթերքներ՝ տնական միս, թարմ բանջարեղեն, ամբողջական ձավարեղեն, առողջարար աղանդեր առանց շաքարի: Դա ոչ միայն ավելի առողջարար է, այլև իսկապես համեղ է»,- հավելել է բժիշկը։
