Ինչ խնդիրներ կարող է առաջացնել կիտրոնով ջուր օգտագործելը
Կարծիք կա, որ առավոտյան կիտրոնով ջուր խմելն օգնում է կարգավորել օրգանիզմի աշխատանքը։ Բայց այս ըմպելիքը ոչ բոլորի համար է հարմար, երբեմն էլ այն լուրջ հիվանդությունների պատճառ է դառնում։
Ենթադրվում է, որ կիտրոնով ջուրը լավացնում է մարսողությունը: Սակայն գաստրոէնտերոլոգ և հեպատոլոգ Սերգեյ Վյալովն ընդգծել է, որ իրականում ըմպելիքը չի խթանում մարսողությունը և չի ավելացնում ստամոքսաթթվի արտադրությունը։ Մարդիկ կարող են զգալ բարելավում միայն ստամոքսի պերիստալտիկայի խթանման շնորհիվ, բայց ազդեցությունը ժամանակավոր կլինի:
Մասնագետի խոսքով՝ կիտրոնով ջուրը հակացուցված է ստամոքս-աղիքային խրոնիկական հիվանդություններով տառապող մարդկանց։ Թթվային արտադրանքը կգրգռի ստամոքս-աղիքային տրակտի լորձաթաղանթը և դրանով իսկ կուժեղացնի ախտանիշները:
«Կիտրոնաջրով ինքնաբուժվելով՝ մարդը միայն ժամանակ է կորցնում»,- «Ռոսիյսկայա գազետա»-ի հետ զրույցում զգուշացրել է Սերգեյ Վյալովը։
Եթե աղեստամոքսային տրակտում բորբոքային բծեր կան, ապա ժամանակի ընթացքում այն կավելանա, իսկ կիտրոնով ջուրը չի օգնի։ Բորբոքումը վկայում է ատրոֆիայի մասին, որը ժամանակի ընթացքում կարող է հանգեցնել քաղցկեղի: Հետեւաբար, դուք չեք կարող անտեսել բժշկի օգնությունը:
