ԱՄՆ Խաղաղության ինստիտուտում ծանուցվել են աշխատանքից ազատվելու մասին․ ինստիտուտը «չի կարողացել խաղաղություն ապահովել»

Ամերիկայի Միացյալ Նահանգների Խաղաղության ինստիտուտի (USIP) աշխատակիցները ծանուցվել են աշխատանքից ազատվելու մասին, հայտնել է «CBS News»-ը՝ հղում անելով աղբյուրներին։

Սակայն դեռ հայտնի չէ, թե արդյոք նախատեսւում է աշխատանքից հեռացնել կազմակերպության բոլոր աշխատակիցներին։ Կրճատումները կազդեն ճնշող մեծամասնության վրա։

Սպիտակ տունը հայտնել է, որ «հարկատուները չեն ցանկանում տարեկան 50 միլիոն դոլար ծախսել «հետազոտական ​​ինստիտուտի» վրա, որը չի կարողացել խաղաղություն ապահովել»:

USIP-ը ստեղծվել է 1984 թվականին՝ «աշխարհում հակամարտությունների կարգավորմանն ու կանխարգելմանը նպաստելու» առաքելությամբ։ Այնտեղ աշխատել է մոտ 300 աշխատակից։