Կարմիր Խաչի պատվիրակությունը այցելել է տարբեր բնակավայրեր

Կարմիր խաչի միջազգային կոմիտեի պատվիրակությունն այցելել է Սյունիքի, Գեղարքունիքի մարզեր։

Կազմակերպությունը հայտնել է, որ Սյունիքի Տեղ համայնքի Խնածախ, Վաղատուր և Խոզնավար գյուղերում մելիորացրել է 110 հեկտար նախկինում չմշակվող հողատարածք՝ դարձնելով վարելահող։

Տրամադրվել է մոտ 33 տոննա ցորենի սերմացու։ Ծրագրից օգտվել են ընդհանուր առմամբ 109 գյուղտնտեսություններ։

Գեղարքունիքի մարզի Վարդենիսի երեք համայնքներում նույնպես տրամադրվել է ցորենի սերմացու։

Սոթքում 184 տնային տնտեսություն ստացել է 165,5 տոննա սերմացու, Կութ համայնքում 27 տնային տնտեսություն ՝ 6,75 տոննա սերմացու, Տրետուք համայնքում 40 տնային տնտեսություն ՝ 9,2 տոննա սերմացու։