Արքայադուստր Դիանայի ոճաբանը ներկայացրել է 6 հնարք, թե ինչպես պաշտպանել մազերը արևից ու շոգից
Արքայադուստր Դիանայի ոճաբանը ներկայացրել է 6 հնարք, թե ինչպես պաշտպանել մազերը արևից և շոգից։
Ամռանը մազերը կարող են վնասվել ուլտրամանուշակագույն ճառագայթման, ծովի ջրի կամ քլորի պատճառով։
Նիքի Քլարքը հայտնի վարսահարդար է Լոնդոնից, ով երկար տարիներ աշխատում է գեղեցկության ոլորտում: Փորձագետը սանրվածքներ է արել հայտնի մարդկանց համար, այդ թվում՝ արքայադուստր Դիանայի, դերասանուհի Գվինեթ Փելթրոուի, երգիչ Ջորջ Մայքլի և այլոց համար։
Ոճաբանի խոսքով՝ այժմ սոցիալական ցանցերում կարելի է բազմաթիվ խորհուրդներ գտնել, թե ինչպես ճիշտ խնամել մազերը։ Մարդիկ հատկապես մտահոգված են այն հարցով, թե ինչպես պահպանել իրենց մազերը շոգին: Արևի տակ մազերը արագ գունաթափվում են, չորանում, իսկ հանգստյան սեզոնն ամբողջությամբ փչացնում է դրանց որակը՝ դրա մեղավորը ծովն ու քլորացված ջուրն է։
Ամենակարևորն այն է, որ հավատարիմ մնաք ձեր սովորական մազերի լվացմանը նույնիսկ արձակուրդի ժամանակ, ծույլ մի եղեք:
Եթե դուք լողացել եք ավազանում կամ ծովում, անպայման լիարժեք ցնցուղ ընդունեք։ Միևնույն ժամանակ, մանրակրկիտ ողողեք ձեր մազերը շամպունով ամբողջ երկարությամբ: Մի մոռացեք կոնդիցիոների մասին, այն տարածեք մազերի աճի գծով՝ հատուկ ուշադրություն դարձնելով ծայրերին։
Լողավազանից դուրս գալուց, ծովում լողալուց կամ շատ քրտնելուց հետո մազերը երկու անգամ լվանալ շամպունով։ Սա կօգնի մաքրել ձեր գլխամաշկը ավազից, քլորից ու քրտինքից:
Լողավազան գնալուց առաջ մազերին մի քիչ կոնդիցիոներ քսեք՝ հատուկ ուշադրություն դարձնելով ծայրերին։ Այս կերպ դուք կպաշտպանեք դրանք սպիտակեցնող նյութերից և հետևաբար կպահպանեք նրանց փափկությունն ու փայլը:
Մեկ այլ կարևոր կանոն՝ ծովում կամ լողավազանում լողալուց առաջ մազերը թրջեք հոսող ջրով։ Սա կօգնի նրանց սպունգի նման չներծծել սպիտակեցնող նյութն ու կեղտը:
Արձակուրդի օրերին կարելի է գնել հատուկ պահվող մազերի կոնդիցիոներ և օգտագործել այն ամեն օր։ Այն կպահպանի խոնավությունը, ինչպես նաև կպաշտպանի մազերը չորացումից ու քլորից:
