Պակիստանի ոստիկանությունը ծեծի է ենթարկել եւ ձերբակալել երկրի մարդու իրավունքների նախկին նախարարին
Պակիստանի մարդու իրավունքների նախկին նախարար Շիրին Մազարին ձերբակալվել է։ Նրան մեղադրում են հողի յուրացման մեջ։ Այս մասին հայտնել է նրա դուստրը, գրում է AP-ը։
Շիրին Մազարիին, որն աշխատել է նախկին վարչապետ Իմրան Խանի օրոք, ոստիկանությունը ձերբակալել է Իսլամաբադում գտնվող իր տան մոտ։
«Ոստիկանները ծեծել են եւ տարել մորս, եւ ինձ ասացին, որ նրան ձերբակալել է Լահորի հակակոռուպցիոն թեւը»,-Twitter-ում գրել է Մազարիի դուստրը։
Նախկին նախարարներից մեկը Geo TV-ի եթերում ասել է, որ Մազարին դաժան վերաբերմունքի է արժանացել ձերբակալության ժամանակ:
