Բժիշկը անվանել է կանաչ սոխի անսպասելի օգտակար հատկությունները․ հղիներին հատկապես անհրաժեշտ է

Կանաչ սոխը հարուստ է C և А, B խմբի վիտամիններով, կալիումով, կալցիումով, ցինկով։

Վիտամին А-ն նպաստում է մազերի, եղունգների, մաշկի որակի բարելավմանը, դանդաղեցնում է օրգանիզմի ծերացման գործընթացը, հոդերն առավել առաձգական է դարձնում, վիտամին А-ն պատասխանատու է նաև լավ տեսողության համար։

«Մթերքը համարվում է կալիումի պարունակության ռեկորդակիրներից մեկը։ 100 գրամ կանաչ սոխը կազմում է այս հանքանյութի ամենօրյա պահանջի մոտ 200%-ը: Կալիումը ունի մեղմ միզամուղ ազդեցություն։ Կանոնավոր օգտագործման դեպքում այն ​​կօգնի օրգանիզմից հեռացնել ավելորդ հեղուկը և վերացնել այտուցը։ Կալիումը նաև մասնակցում է նյարդային ազդակների փոխանցմանը և ուղեղի թթվածնացմանը։ Ուստի օգտակար է կանաչ սոխ ուտել, երբ հոգեկան սթրեսի ավելացում կա, դա կօգնի բարելավել ուղեղի աշխատանքը»,- ասել է գաստրոէնտերոլոգը։

Կանաչ սոխը համարվում է բնական հակաբիոտիկ, նպաստում է իմունային համակարգի ամրացմանը, օգտակար է ավիտամինոզի, մրսածության դեպքում։

Կանաչ սոխի պարբերական օգտագործումը նվազեցնում է կարիեսի, ստոմատիտի առաջացման հավանականությունը, աչքերի մի շարք հիվանդությունների դեպքում ևս օգտակար է։ Կանաչ սոխը օգտակար է հղիների համար, քանի որ այն հարուստ է ֆոլաթթվով, որը նպաստում է պտղի ներդաշնակ զարգացմանը, նվազեցնում է վաղաժամ ծննդաբերության ռիսկերը և երեխայի մոտ բնածին հիվանդությունների զարգացումը։

Կանաչ սոխի չարաշահումը կարող է առաջացնել այրոց, ստամոքսում տհաճ զգացումներ, կարող է բարձրացնել ստամոքսահյութի թթվայնության աստիճանը, ինչպես նաև գրգռել շնչառական համակարգը, ինչն էլ պատճառ է դառնում բերանի տհաճ հոտի։

Կանաչ սոխ պետք է զգուշորեն օգտագործեն ասթմա, լյարդի, երիկամային հիվանդություններ ունեցողները, հում վիճակում ցուցված չէ նաև մինչև 2.5 տարեկան երեխաներին։