Խոշոր ավտովթարի հետևանքով հիվանդանոց տեղափոխված  4 վիրավորներից մեկը մահացել է

Հայաստանի քննչական կոմիտեի Կոտայքի մարզային քննչական վարչության Աբովյանի քննչական բաժնում նախաձեռնված քրեական վարույթի շրջանակում պարզվել է նոյեմբերի 29-ին Երևան-Սևան ավտոճանապարհի՝ Աբովյանի վարչական տարածքում խոշոր ավտովթարի հետևանքով հիվանդանոց տեղափոխված մահացածի, վիրավորների և վարորդների ինքնությունները:

Ինչպես հայտնում է ֆոտոլրագրող Գագիկ Շամշյանը, պարզվել է, որ Range Rover-ը վարել է Երևանի բնակիչ 34-ամյա Սահականուշ Ո.-ն, իսկ Volkswagen Vento-ն վարել է Կոտայքի մարզի բնակիչ 27-ամյա Արկադի Ե.ն:
Վթարի հետևանքով Սահականուշ Ո.-ն, Range Rover-ի ուղևոր, Երևանի բնակիչ 35-ամյա Պարգև Ե.-ն և Volkswagen Vento-ի վարորդ Արկադի Ե.-ն ու նրա ուղևոր, Գեղարքունիքի մարզի բնակիչ 23-ամյա Արմեն Ե.-ն մարմնական վնասվածքներով տեղափոխվել էին մի մասը Երևանի Հերացու անվան թիվ 1 համալսարանական հիվանդանոց, մի մասն էլ՝ «Աբովյան» բժշկական կենտրոն: 

Դեկտեմբերի 2-ին, Volkswagen Vento-ի վարորդը, գիտակցության չգալով, մահացել է: