Արհեստական բանականության նոր մոդելը կարող է ստեղծել 3 րոպեանոց երգեր. ինչպե՞ս փորձել
Stability AI-ն ներկայացրել է նոր նեյրոնային ցանց՝ Stable Audio 2.0-ը, որը թույլ կտա օգտատերերին դրա մեջ ներբեռնել թրեքներ, որոնց հիման վրա արհեստական բանականությունը (AI) կստեղծի դասական կառուցվածքով լիարժեք երգ՝ ներածություն, զարգացում և ավարտ:
Նեյրոնային ցանցը հնարավոր կլինի անվճար փորձել նախագծի պաշտոնական կայքում կամ API-ի միջոցով:
Stable Audio 2.0-ը «մարզվել է» ավելի քան 800 հազար թրեքի վրա:
Ընկերության տվյալներով՝ արտիստները կարող էին հրաժարվել իրենց ստեղծագործությունները տրամադրել նեյրոնային ցանցի վերապատրաստման համար։ Հնարավոր կլինի հարմարեցնել ներբեռնված թրեքների նմանության աստիճանը։
Նեյրոնային ցանցի սկզբնական տարբերակը գործարկվել է 2023 թվականի սեպտեմբերին ու կարողացել է ստեղծել ձայնային ֆայլեր ոչ ավելի, քան 90 վայրկյան:
Ավելի վաղ Artist Rights Alliance իրավապաշտպան խումբը հրապարակել էր ավելի քան 200 երաժշտական արտիստների բաց նամակը, որում ոլորտի ներկայացուցիչները մտահոգություն էին հայտնում նեյրոնային ցանցերի մարզման համար իրենց «երաժշտությունը չարաշահելու» վերաբերյալ և նաև կոչ էին անում «արագ կարգավորել» այս ոլորտը: Ստորագրողների թվում են եղել Բիլի Այլիշը, Սթիվի Ուանդերը, Քեթի Փերին, REM-ը, Pearl Jam-ը և այլք:
