Լեհաստանը կտրուկ կավելացնի զինվորականների թիվը Բելառուսի հետ սահմանին
Լեհաստանը գրեթե երեք անգամ կավելացնի ռազմական անձնակազմի թիվը Բելառուսի հետ սահմանին, հայտնում է հանրապետության ազգային պաշտպանության նախարարությունը։
Օգոստոսի 1-ից կսկսվի նոր առաքելություն։ Կավարտվի երկու գործողություն՝ մեկը՝ ուսուցողական, իսկ մեկը՝ սահմանի պաշտպանության համար։ Կանցկացվի մեկ «Անվտանգ Պոդլասիե» գործողություն, որին կմասնակցի մինչև 17 հազար զինվորական. ասվում է հաղորդագրության մեջ։
Զինվորականները պարզաբանել են, որ ներկայումս Բելառուսի հետ սահմանին մոտ վեց հազար զինվոր կա։
Հաղորդվում է, որ սահմանային գործողության պատասխանատվությունը ստանձնելու է 18-րդ մեքենայացված դիվիզիան։
2021 թվականի կեսերին մի քանի հազար միգրանտներ հավաքվեցին լեհ-բելառուսական սահմանին՝ ԵՄ երկրներ հասնելու հույսով։ Դրանից հետո ամեն ամիս մի քանի հարյուր անօրինական ներգաղթյալներ փորձում են մուտք գործել Լեհաստան։ Լեհաստանի իշխանությունները ուժեղացրել են սահմանային անվտանգությունը, տեղակայել են զինվորականներ և ճնշում են անօրինական ներգաղթյալների փորձերը՝ մեղադրելով Մինսկին միգրացիոն ճգնաժամի մեջ։
Բելառուսը հերքում է այս բոլոր մեղադրանքները՝ ասելով, որ Լեհաստանը բռնի կերպով միգրանտներին արտաքսում է իր տարածք և արհեստականորեն սրում է փախստականների հետ կապված իրավիճակը։ Բելառուսի նախագահ Ալեքսանդր Լուկաշենկոն նշել է, որ Մինսկն այլևս չի զսպի անօրինական միգրանտների հոսքը դեպի ԵՄ երկրներ:
Լեհաստանն արդեն պարիսպ է կառուցել Բելառուսի հետ սահմանին։ Պարիսպն ունի 186 կիլոմետր երկարություն, հինգ մետր բարձրություն և արժե 1,6 միլիարդ զլոտի (մոտ 400 միլիոն դոլար):
