«Կինոհայրենիք»-ի ճանապարհին հրդեհ է բռնկվել Mercedes-ում

Մարտի  5-ին արտակարգ դեպք է տեղի ունեցել Երևանում: 

shamshyan.com-ի հաղորդմամբ ժամը 21:50  Արտակարգ իրավիճակների նախարարության փրկարար ծառայության  911 ճգնաժամային  կառավարման կենտրոն ահազանգ է ստացվել, որ  Արշակունյաց փողոցում՝ «Երևան Մոլ»-ից  դեպի  «Հայրենիք»   կինոթատրոն տանող ճանապարհահատվածում ավտոմեքենա է այրվում: 

Մինչ հրշեջների ժամանումը, քաղաքացիներն իրենց ուժերով փորձել են մարել կրակը: Հրշեջները մարել են 44-ամյա Արկադի Գալստյանին պատկանող մ Mercedes մակնիշի ավտոմեքենայում առաջացած հրդեհը:  Ըստ նախնական տեղեկությունների՝  հրդեհի հետևանքով, բարեբախտաբար,  տուժածներ չկան: