Ինձ համար դժվար է զարմացնել հանրությանը. Կիրկորով
Ռուսական շոու բիզնեսի ամենահայտնի արտիստներից Ֆիլիպ Կիրկորովը խոստովանել է, որ իր համար դժվար է հանդիսատեսին զարմացնել։ Ցանկացած ոլորտում մրցակցությունը ստիպում է քեզ «գոյատևել», նշել է նա Եվգենի Պլյուշչենկոյի «Սնեգուրոչկա» ձմեռային սառցե շոուի պրեմիերայից հետո հինգերորդ ալիքին տված հարցազրույցում։
Կիրկորովը բացատրել է, որ շոու ստեղծելը կարող է դժվար լինել, քանի որ նա պետք է գերազանցի իր նախկին ելույթները։
«Լինի դա վոկալ, թատերական, թե սառույցի վրա, որովհետև երբեմն դու կռվում ես ու մրցում ինքդ քեզ հետ»,- ասել է արտիստը։ Նա հավելել է, որ «ճակատամարտում գոյատևում են ամենաուժեղները», որոնք լեփ-լեցուն դահլիճներ են հավաքում։
Կիրկորովը նշել է, որ իր մասնագիտության մեջ առաջին հերթին կարևոր է աշխատանքը, իսկ հետո՝ «Աստծուց տրված տաղանդը»։
