Մոսկվայի Վնուկովո օդանավակայանը խստացնում է ուղևորների ստուգման միջոցառումները. ո՞րն է պատճառը

Վնուկովո օդանավակայանը մայիսի 8-ից 12-ը խստացնում է ուղևորների ստուգման միջոցառումները՝ Հաղթանակի օրվա տոնակատարությունների ընթացքում առավելագույն անվտանգությունն ապահովելու համար, ՌԻԱ Նովոստիին հայտնել են օդանավակայանի մամուլի ծառայությունից։

Երեքշաբթի օրը ավելի վաղ Azur Air-ը իր Telegram ալիքով զգուշացրել էր Վնուկովոյից մեկնող ուղևորներին, որ ուղևորներին դիմավորողները և ճանապարհողները այդ օրերին չեն կարողանա մտնել օդանավակայանի շենք։

«2025 թվականի մայիսի 8-ի, ժամը 8:00-ից մինչև մայիսի 12-ի, ժամը 8:00-ն Վնուկովո օդանավակայանում կգործեն ուժեղացված անվտանգության ստուգման միջոցառումներ: Խնդրում ենք ըմբռնումով մոտենալ հնարավոր ուշացումներին և նախապես ժամանել օդանավակայան՝ բոլոր անհրաժեշտ ընթացակարգերը կատարելու համար: Ձեր անվտանգությունը մեր առաջնահերթությունն է», - հայտնել է օդանավակայանի մամուլի ծառայությունը:

Նրանք նաև հավելեցին, որ ուղևորներից կարող է պահանջվել ներկայացնել ճանապարհորդական փաստաթղթեր՝ նստեցման անցաթուղթ կամ երթուղու կտրոն։