Լեյբորիստական կուսակցությունը հաղթել է․ Մեծ Բրիտանիան նոր վարչապետ կունենա
Միացյալ Թագավորության համընդհանուր ընտրություններում առաջատարն ընդդիմադիր Լեյբորիստական կուսակցությունն է։ Այս մասին են վկայում Ipsos-ի անցկացրած exit poll-ի տվյալները։ Արդյունքները հրապարակել է BBC-ն։
Նախնական հաշվարկներով ձայները բաշխվել են հետեւյալ կերպ՝
Լեյբորիստական կուսակցություն՝ 410 մանդատ
Պահպանողական կուսակցություն՝ 119 մանդատ
«Լիբերալ դեմոկրատներ» կուսակցություն՝ 71 մանդատ
Շոտլանդիայի ազգայնական կուսակցություն՝ 8 մանդատ
Շին ֆեյն՝ 7
Այլ կուսակցություններ՝ 27 մանդատ։
Մեծամասնություն կազմելու համար Համայնքների պալատում անհրաժեշտ է 326 տեղ։
Մեծ Բրիտանիայի վարչապետ Ռիշի Սունակը ընդունել է ընտրություններում իշխող Պահպանողական կուսակցության պարտությունը և շնորհավորել լեյբորիստների առաջնորդ Քիր Սթարմերին։
«Ես հիմա կմեկնեմ Լոնդոն, որտեղ ավելի մանրամասն կխոսեմ այսօրվա արդյունքի մասին՝ նախքան վարչապետի պաշտոնը թողնելը», - ասաց քաղաքական գործիչը։
