Ստեփանակերտի քաղաքապետը հրավիրել է աշխատանքային խորհրդակցություն
Այսօր առավոտյան Ստեփանակերտի քաղաքապետ Դավիթ Սարգսյանը հրավիրել է աշխատանքային խորհրդակցություն՝ քաղաքապետարանի աշխատակազմի պատասխանատուների և համայնքային ընկերությունների տնօրենների մասնակցությամբ: Այս մասին հայտնում են Ստեփանակերտի քաղաքապետարանի ֆեյսբուքյան էջում:
Քննարկվել են մայրաքաղաքում երկրորդ օրն անընդմեջ տեղացող ձյան հետևանքով առաջացած խնդիրներն ու դրանց լուծման տարբերակները:
Քաղաքապետը հանձնարարել է մոբիլիզացնել բոլոր ռեսուրսները ձնամաքրման աշխատանքների արդյունավետությունը բարձրացնելու համար:
