Թրամփի թիմն առաջարկել է աշխատանքից ազատել Ուոլցին

Signal-ի սկանդալից հետո Signal մեսենջերում տվյալների արտահոսքը կարող է արժենալ ԱՄՆ նախագահ Դոնալդ Թրամփի ազգային անվտանգության հարցերով խորհրդականին իր կարիերան:

Մայք Ուոլցին՝ ադմինիստրատորին չաթի, որտեղ քննարկվել էին Եմենի դեմ հարվածները, առաջարկել են պաշտոնանկ անել: Ինչպես պարզել են Politico-ի լրագրողները, նախաձեռնողը եղել է ԱՄՆ փոխնախագահ Ջեյ Դի Վենսը՝ Ամերիկայի նախագահի հետ փակ հանդիպման ժամանակ։

Թեև ԱՄՆ առաջնորդ Դոնալդ Թրամփը համաձայնել է Վենսի հետ, նա դեռ չի պատրաստվում աշխատանքից հեռացնել Ուոլցին, քանի որ սա հաղթանակ կլինի դեմոկրատ ​​մեդիայի համար, որոնք փորձում էին շրջանառել այս պատմությունը։

Ավելի վաղ The Atlantic-ի խմբագիր Ջեֆրի Գոլդբերգը պատահաբար ընդգրկվել էր Սպիտակ տան խմբային չաթում, որը քննարկել էր Եմենում ԱՄՆ-ի հարվածները: Լրագրողի խոսքով՝ չաթում ներառված են եղել ԱՄՆ փոխնախագահ Ջեյ Դի Վենսի, պաշտպանության նախարար Փիթ Հեգսեթի, պետքարտուղար Մարկո Ռուբիոյի և ազգային անվտանգության հարցերով խորհրդական Մայք Ուոլցի անուններով հաշիվներ։