Զբոսաշրջիկները մնացել են Բալիում հրաբխի ժայթքման պատճառով. մանրամասներ (լուսանկար, տեսանյութ)

Ռուս զբոսաշրջիկները մնացել են Բալիում հրաբխի ժայթքման պատճառով: 

Հարյուրավոր զբոսաշրջիկներ մնացել են օդանավակայանում կամ սպասում են թռիչքների վերսկսմանը, հայտնել է SHOT-ը։

Ֆլորես կղզում Լևոտոբի Լակի-լակի հրաբուխը նոյեմբերի 4-ի գիշերը սկսել է ժայթքել, խլել է 10 մարդու կյանք։ Այժմ այն շարունակում է ակտիվ լինել։ Ըստ կանխատեսումների՝ մոխիրը շուտով կհասնի հենց Բալի։ Ավիաընկերությունները զանգվածաբար չեղարկում են միջազգային չվերթները դեպի Ինդոնեզիա և հակառակ ուղղությամբ, դրանց թիվն արդեն գերազանցել է 80-ը։

Զբոսաշրջիկներից մեկը պատմել է, որ արդեն երկրորդ օրն է, ինչ գիշերում են Դենպասարի տերմինալում։ Նրանց չի տրամադրվել ո՛չ ջուր, ո՛չ սնունդ, ո՛չ հյուրանոց։ China Southern Airlines ավիաընկերության ներկայացուցիչներն առաջարկել են ապագա թռիչքի տոմսեր պատվիրել սեփական միջոցներով։ Արտակարգ իրավիճակի պատճառով դեպի Մոսկվա թռիչքների գները շատ բարձր են՝ հասնելով մինչև 700 հազար ռուբլու։

Թռիչքների վերսկսում առնվազն մի քանի օր չի լինի։