ՌԴ-ը բոյկոտել է ՄԱԿ-ի միջազգային դատարանի նիստը

Ռուսաստանի Դաշնության ներկայացուցիչները մարտի 7-ի առավոտյան չեն ներկայացել ՄԱԿ-ի միջազգային դատարան, որտեղ քննվել է Ուկրաինայի հայցն ընդդեմ Ռուսաստանի Դաշնության՝ «ցեղասպանության» մեղադրանքով, հայտնում է Reuters-ը։

Դատարանը հայտնել է, որ ցավում է Ռուսաստանի չներկայանալու համար, նշում է գործակալությունը։ Նիդեռլանդներում Ռուսաստանի դեսպանատան ներկայացուցիչը չի պատասխանել մեկնաբանության խնդրանքին:

Ռուսաստանի դեմ գործով լսումների ժամանակ ՄԱԿ-ի միջազգային դատարանի նախագահ Ջոան Դոնոգյուն հայտարարել է, որ ռուսական կողմից  ստացել է պաշտոնական գրավոր մերժում։