Տերովին տերն է տարել, անտերին՝ գելը․ պատգամավորը հայ-ադրբեջանական հակամարտության մասին
Ադրբեջանական սադրանքները շարունակվում են, որն իրենց հերթական փորձն է քաղաքական, բարոյական, հոգեբանական ճնշում գործադրելու Արցախի ժողովրդի նկատմամբ, որպեսզի Արցախի ժողովուրդը համակերպվի պարտության հետ: Ազգային ժողովում լրագրողների հետ ճեպազրույցի ժամանակ ասաց «Հայաստան» խմբակցության պատգամավոր Արթուր Խաչատրյանը։
Պատգամավորի խոսքով՝ ադրբեջանցիներն արցախցիներին լավ չեն ճանաչում և 30 տարվա պարտությունը իրենց դաս չի եղել։
«Որպեսզի մենք կարողանանք պահել Արցախը՝ ՀՀ-ն չի կարող նման կրավորական մոտեցում ցուցաբերի: Ասում են՝ տերովին տերն է տարել, անտերին՝ գելը, չենք կարող մեր հայրենակիցներին թողնել անտեր, միայնակ Ադրբեջանի դեմ»,-ընդգծեց Խաչատրյանը։
Հայաստանը Արցախի անվտանգության երաշխավորն է, ասում է պատգամավորն ու հավելում, որ միշտ էլ այդպես է եղել։
«Որոշ իշխանական պատգամավորներ Զելենսկու ելույթի ժամանակ չպետք է հոտնկայս ծափահարեն: Եթե ՀԱՊԿ-ը, որի անվտանգային համակարգի անդամ ենք, առաջարկում է ռազմատեխնիկական աջակցություն, չպետք է կամակոր երեխայի նման ոտքերը խփենք գետնին ու ասենք, որ քաղաքական հայտարարություն ենք ուզում»,-ամփոփեց պատգամավորը։
Մանրամասները՝ տեսանյութում։
