Խմելու շորերը հագեք, մի հատ էլ երգ ունեմ, այսօր ընտրություններից հետո կհրապարակեմ․ Ուրցաձորի համայնքապետ
Արարատի մարզի Վեդի խոշորացված համայնքում անցկացվում է ավագանու ընտրություն՝ համամասնական ընտրակարգով, և Ուրցաձոր համայնքում կրկին առաջադրվել է համայնքապետ Ռաֆիկ Անդրեասյանը, ով 2016–ից համայնքի ղեկավարն էր, իշխանափոխությունից հետո հրաժարական տվեց և 2019–ին կրկին հաղթեց ընտրություններում։
Այսօր լրագրողների հետ զրույցում, Անդրեասյանն ասաց, որ համայնքում մեկ միջադեպ է գրանցվել, մնացածը ընթանում է նորմալ հունով․«Որտեղ Գարիկ Սարգսյանն է, այնտեղ միջադեպերն անխուսափելի են։ Վեդիում ընտրություններով ՀՀ-ում իշխանափոխության մեկնարկն է տրվելու։ Մեկ անգամ ասել եմ, էլի ասեմ՝ սրանք մեկ նպատակ ունեն անձրևաորդի նման գալարվել աթոռներին, սա է սրանց նպատակը, իսկ մեր նպատակն՝ համայնքը ոտքի կանգնեցնելը, մենք դրա համար բավական փորձառու մասնագետմեր ունենք»,-ասաց Անդրեասյանը։
