Առանց Արցախի մենք չկանք և առանց մեզ Արցախը չկա. Սոս Սարգսյանն ու մեր բզկտված ներկան
Այսօր Սոս Սարգսյանի ծննդյան օրն է:
ԽՍՀՄ և ՀԽՍՀ ժողովրդական արտիստ, մեծանուն հայն ու վարպետը այսօր կդառնար 93 տարեկան:
Սոս Սարգսյանը մեզնից հեռացել է ինը տարի առաջ, բայց նրա մտքերը շարունակում են ապրել: Որոշները՝ զգուշացում, մոտալուտ աղետի կանխազգացում էին, որոնք, ցավոք, իրականանում են:
MediaHub-ը վերհիշել է Սոս Սարգսյանի որոշ մտքերն ու հիշեցնում նաև իր ընթերցողին:
«Մեր վիճակը դեռ չի հասել գիտակցության մեր խորքերը: …Մեր ապագան բզկտված, չարչրկված այս փոքրիկ հողակտորն է, մեր միակ հույսն է, խնայե՛նք: Խնայենք ինքներս մեզ, խնայենք մերկացած ջղերով այս ժողովրդին…»
«Առանց Արցախի մենք չկանք և առանց մեզ Արցախը չկա, սա պետք է հասկանալ: Եվ չի կարելի այդքան տգետ լինել ու ազգը բաժան-բաժան անել»
«Արցախը ձեզ համար տարածք է, մեզ համար՝ սուրբ հայրենիք»
«Կողքից նայողը կասի՝ հայերը արդեն քանի դար պատրանքներով են ապրում: Պատճառն այն է, որ հաճախ ենք ուրիշի ձեռքին խաղալիք եղել: Մի հինավուրց ժողովուրդ, փորձված, ծեծված մի ժողովուրդ ժամանակն է, որ իր եղած բարեմասնություններին գումարի իմաստություն»
«Փոքր ազգը պետք է ինքն իրեն գովի, ինքն իրեն բարձրացնի անընդհատ: Փոքր ազգը պետք է մեծ մարդիկ ունենա, ամեն ինչ անի, որ լինի, ծնվի այդ մարդը: Օգնեք»
«Մեր ժողովուրդը դարձել է գանգատաբեր: Չի կարելի այսքան փնովել, շատ լավ բաներ էլ են կատարվում»:
«Մեղքը սրա-նրա վրա բարդելով ջվալը չի կարվում: Ազգովի կդառնանք մեղադրող, պահանջող, վատաբանող, ճառ ասող…Ճա՛ռ ասող… Մեր զանգգն ո՞վ է կախելու…»
«Մարդն այն տեսակ արարած է, որն անվերջ վատ արարքներ է գործում և չի էլ կարող չտառապել դրանց համար...»
«Պետք է միշտ լսել հոգու կանչը` ինչը թելադրում, ուզում է…»
«Պետք է ապրել երկու բանի համար՝ պետք լինելու և գործելու»
«Աստծուց մի բան եմ խնդրում՝ հոգիս չառած միտքս չառնի»...
Սոս Սարգսյանը մահացել է 2013 թվականի սեպտեմբերի 26-ին...
