Telegram-ի օգտատերերին զգուշացրել են իրենց տվյալներին սպառնացող վտանգի մասին․ ի՞նչ է հայտնի

Անվճար Telegram Premium բաժանորդագրություն առաջարկող ծրագրին մասնակցելը կարող է վտանգ ներկայացնել օգտատերերի տվյալների անվտանգությանը։ Verge պորտալը զգուշացրել է նոր գործառույթի վտանգների մասին։

««Տելեգրամն» առաջարկում է Premium-ի անվճար բաժանորդագրություն ստանալու նոր միջոց. այն ամենը, ինչ դուք պետք է անեք, ձեր հեռախոսահամարն է, որպեսզի դրանից մեկանգամյա գաղտնաբառերը ուղարկվեն այլ օգտվողներին՝ ձեր հաշիվ մուտք գործելու համար: Իրականում սա սարսափելի գաղափար է թվում, հատկապես հաղորդագրությունների ծառայության համար, որն առաջնահերթություն է տալիս անձնական տվյալների գաղտնիությանը»,- նշել են հոդվածի հեղինակները:

Մեկանգամյա գաղտնաբառեր ստացողները կտեսնեն ուղարկողի հեռախոսահամարը։

Telegram-ի կայքում նշվում է, որ մեսենջերի ադմինիստրացիան պատասխանատվություն չի կրում «որևէ անհարմարության, ոտնձգության կամ վնասի» համար, որը ձեռնարկվել է օգտատերերի կողմից, ովքեր իմացել են ծրագրի մասնակցի հեռախոսահամարը։

Բացի այդ, այս հաղորդակը պատասխանատվություն չի կրի, եթե հեռահաղորդակցության օպերատորն անձից գումար գանձի ծածկագրերի ուղարկման համար։