Փաշինյանը չի հասցրել թուրք գործընկերոջը շնորհակալություն հայտնել․ Էդգար Ղազարյան
Սահմանադրական դատարանի աշխատակազմի նախկին ղեկավար Էդգար Ղազարյանն իր ֆեյսբուքյան էջում գրել է․
Պաշտոնական հաղորդագրությունից պարզ է դառնում, որ Նիկոլ Փաշինյանի և Ռեջեփ Թայիփ Էրդողանի միջև հեռախոսազրույցը կարճ է տևել, ուստի Նիկոլ Փաշինյանը չի հասցրել թուրք գործընկերոջը շնորհակալություն հայտնել 2020 թվականի պատերազմից առաջ թուրք-ադրբեջանական համատեղ զորավարժություններ անցկացնելու և դրանից հետո սպառազինությունները (այդ թվում F16 ինքնաթիռներն) Ադրբեջանում թողնելու, իր սիրելի փեսայի` Սելջուկ Բայրաքթարի հիմնած ընկերությունում արտադրված Բայրաքթար ՏԲ2 անօդաչու թռչող սարքեր Ադրբեջանին մատակարարելու, պատերազմի ընթացքում թուրք ռազմական փորձագետների կողմից Ադրբեջանի զինուժը և դրա առանձին ստորաբաժանումները ղեկավարելու, Թուրքիայի տարածքով սիրիացի վարձկաններին Ադրբեջան հասցնելու և մարտական գործողություններին մասնակից դարձնելու, Թուրքիայի պաշտպանության և արտաքին գործերի նախարարների Ադրբեջան պարբերաբար այցելելու, պատերազմից հետո Բաքվի կենտրոնում Ադրբեջանի նախագահ Իլհամ Ալիևի հետ հաղթանակի զորահանդես ընդունելու և Ցեղասպանության հանցագործությունների հոգու փառավորվելու մասին ելույթ ունենալու, 2021 թվականի հունիսի 15-ին Ադրբեջանի հետ Շուշիի հռչակագիր ստորագրելու, իսկ ավելի ուշ Ֆիզուլիի միջազգային օդանավակայանի բացման արարողությանը մասնակցելու համար և այլն։
Հ.Գ. Ինչպես կասվեր հին հայկական ժողովրդական ասացվածքներից մեկում. "մեկդ չլնի իրկունը, մյուսը` առատունը":
