Հայ մարզիկն առաջին անգամ հաղթահարել է Աշխարհի առաջնության որակավորման փուլը․ լեռնադահուկային սպորտ
Լեռնադահուկային սպորտի մեծահասակների Աշխարհի առաջնության հսկա ոլորավայրէջք մրցաձևում 59 երկրի 133 մարզիկների շարքում ՀՀ հավաքականի առաջատար Գլեբ Մոսեսովը, զբաղեցնելով 23-րդ հորիզոնականը, հաղթահարել է որակավորման փուլը։
Նա միացել է Աշխարհի լավագույն 50-յակին, անցել եզրափակիչ փուլ:
Ավստրիայի Զալբախ քաղաքում ընթացող մրցաշարի եզրափակիչը տեղի կունենա վաղը:
Գլեբ Մոսեսովը Հայաստանը ներկայացնող առաջին մարզիկն է, ով երբևէ կարողացել է հաղթահարել Աշխարհի առաջնության որակավորման փուլը:
