Դեպի Նիկոլաևսկ Ամուր թռչող ինքնաթիռի դիմապակին ճաքել է

Դեպի Նիկոլաևսկ-Ամուր չվերթ իրականացնող ինքնաթիռը, որը անսարքության պատճառով վերադարձել է Խաբարովսկ, ճաքել է դիմապակին. հայտնում է Հեռավոր Արևելքի տրանսպորտային դատախազությունը։

Խաբարովսկի օդանավակայանի ներկայացուցիչ Անաստասիա Խաուստովան ավելի վաղ ՌԻԱ Նովոստիին ասել էր, որ «Ավրորա» ինքնաթիռը, որում եղել է 69 ուղևոր, տեխնիկական պատճառով վերադարձել է մեկնման օդանավակայան և վայրէջք կատարել սովորականի պես։

«Այսօր «Ավրորա» ավիաուղիների ինքնաթիռը, որը թռչում էր HZ4595 չվերթով Խաբարովսկ-Նիկոլաևսկ-Ամուր երթուղով, տեխնիկական պատճառներով (առջևի ապակու ճաք) վերադարձել է մեկնման օդանավակայան: Ինքնաթիռում եղել է 69 ուղևոր և անձնակազմի չորս անդամ»,- ասվում է հաղորդագրության մեջ։

ՌԴ Քննչական կոմիտեն հայտնում է, որ զոհեր և վիրավորներ չկան։ Խաբարովսկի տրանսպորտի հետաքննչական վարչությունում կատարվում է նախաքննական ստուգում։ 

Իրադարձություններին ավելի արագ հետևելու համար բաժանորդագրվեք՝ MediaHubWorld