Որո՞նք են հեռախոսի գաղտնալսման նշանները
Ռուսական տեխնոլոգիական համալսարանի «Տեղեկատվական անվտանգություն» բաժնի ուսուցիչ Վասիլի Շուտովը «Փրայմ» գործակալության հետ զրույցում պատմել է, թե ինչպես ստուգել՝ արդյոք սմարթֆոնը գաղտնալսվում է:
Վերլուծաբանը նշել է սմարթֆոնի գաղտնալսման նշանները և դրանք վերագրել սարքի գերտաքացմանն ու մարտկոցի լիցքաթափմանը: Գաջեթի ֆիզիկական վիճակը գնահատելուց հետո նա կոչ է արել ստուգել այն հակավիրուսային ծրագրերի կամ հատուկ USSD հրամանների միջոցով։
«Տարբեր տիպի սարքերի համար կան տարբեր հրամաններ, դրանք հեշտ է գտնել ինտերնետում», - ընդգծել է փորձագետը:
Եթե սկանավորումը հայտնաբերում է կասկածելի հավելվածներ, դրանք պետք է հեռացվեն: Ավելի արդյունավետ միջոց է գաջեթը գործարանային կարգավորումները վերականգնելը, ինչպես նաև նոր ծրագրեր տեղադրելը: Այս մեթոդները կօգնեն բացահայտել ոչ պրոֆեսիոնալ լրտեսությունը, սակայն քաղաքացին դժվար թե նկատի օպերատիվ-հետախուզական աշխատանքը։
