Ո՞ր հիվանդություններն են ակտիվանում շոգ եղանակին
Աննորմալ շոգ եղանակը զգալիորեն մեծացնում է քրոնիկ հիվանդությունների սրման վտանգը։ Ավելորդ շոգից հատկապես տուժում են տարեցներն ու սիրտ-անոթային հիվանդություններ ունեցող քաղաքացիները։
Անոթներ և սիրտ
«Սրտի և արյան անոթների քրոնիկական հիվանդությունների սրումը պայմանավորված է նրանով, որ շոգ եղանակին մարդու օրգանիզմն ակտիվորեն կորցնում է ջուրը, կալիումի և մագնեզիումի աղերը։ Այս ամենը չափազանց վնասակար է սրտանոթային համակարգի աշխատանքի համար։ Արյունը դառնում է ավելի խիտ, ինչը հանգեցնում է թրոմբների առաջացմանը։ Իսկ աղի պակասը բացասաբար է անդրադառնում սրտի մկանների աշխատանքի վրա»,- ասում է սրտաբան Օլեգ Սաբիրովը։
Շոգ եղանակին բժիշկները նման հիվանդներին խորհուրդ են տալիս ավելի շատ ջուր խմել, օգտագործել վիտամինային միաշություններ, որոնք կլրացնեն աղերի պակասը և իհարկե աշխատեք չմնալ արևի տակ։ Անհրաժեշտ է նաև դեղամիջոցներ ունենալ, որոնք կարող են կանխել սրտի կաթվածը։
Հիպերտոնիա
Հիպերտոնիայով տառապողները գտնվում են հատուկ ռիսկային խմբում։ Այս հիվանդության սրացումը կարող է հանգեցնել ինսուլտի, ուստի պետք է հատկապես զգույշ լինել:
«Շոգ եղանակը միշտ հանգեցնում է արյան ճնշման բարձրացման, ինչն էլ կարող է բերել ինսուլտի։ Ուստի հիպերտոնիկ հիվանդները պետք է ուշադիր վերահսկեն արյան ճնշումը և ժամանակին միջոցներ ձեռնարկեն այն նվազեցնելու համար»,- ասում է Սաբիրովը։
Հիպերտոնիկ հիվանդներին խորհուրդ չի տրվում մեծ քանակությամբ ջուր խմել, քանի որ դա հանգեցնում է արյան ճնշման բարձրացման: Ավելի լավ է խորհրդակցել բժշկի հետ և ընտրել հատուկ դեղամիջոց, որը թույլ չի տալիս ճնշման բարձրացում: Սովորաբար նման դեղամիջոցները գործում են հաբը ընդունելուց հետո մեկ օրվա ընթացքում, և դրանց ընդունումը չի ազդում հիվանդի կյանքի որակի վրա։
Վնասվածքների աճը
Պարզվում է, որ օդի բարձր ջերմաստիճանը խթանում է տեստոստերոնի արտադրությունը, ինչը մարդկանց դարձնում է ավելի ագրեսիվ և նյարդային։
Այս հորմոնի ավելցուկը բարդացնում է հատկապես վարորդների կյանքը, որոնցից ոմանք սկսում են կոպիտ լինել ճանապարհին: Անհնար է կանգնեցնել արյան մեջ հորմոնի ավելցուկը։ Այստեղ միայն մեկ խորհուրդ կա՝ պետք է վերահսկել ինքներդ ձեզ և չսրել կոնֆլիկտային իրավիճակներ։
Իմունիտետի անկում
Ջերմությունը ստիպում է մարդու մարմնին աշխատել բառացիորեն մաշվածության աստիճանի, ինչը հանգեցնում է հյուծման։ Սրանից առաջին հերթին տուժում է իմունային համակարգը, և մարդը դառնում է ենթակա բոլոր տեսակի վարակների։ Ուստի շոգ եղանակին պետք է հոգ տանել ձեր մասին, իսկ բացերը լրացնել պատշաճ սնվելով։
Բայց ավելի լավ է խորհրդակցել բժշկի հետ, որը հատուկ միջոց կնշանակի օրգանիզմի պաշտպանական համակարգը պահպանելու համար:
