Բոստոնի օդանավակայանում երկու մարդատար ինքնաթիռներ են բախվել

Ամերիկյան Բոստոն քաղաքի օդանավակայանում երկու մարդատար ինքնաթիռ է բախվել, տուժածներ չկան, հայտնել է ԱՄՆ քաղաքացիական ավիացիայի վարչությունը (FAA)։ Միջադեպը տեղի է ունեցել երկու JetBlue Airbus A321 ինքնաթիռով։

«Airbus A321neo, JetBlue 777 չվերթը , հինգշաբթի՝ փետրվարի 8-ին, տեղական ժամանակով մոտավորապես 06:40-ին, ձախ թևի ծայրով հարվածել է Airbus A321, JetBlue չվերթ 551-ի հորիզոնական կայունացուցիչին», - ասվում է հաղորդագրությունում:

Ինքնաթիռները գտնվել են Բոստոնի օդանավակայանի ավիաընկերության պատասխանատվության գոտում: Տեղական NBC Boston հեռուստաընկերությունը հաղորդում է, որ ինքնաթիռում ուղևորներ են եղել, և ոչ ոք չի տուժել։