Խոշոր ավտովթար՝ Երևանում. կա վիրավոր

Երեկ՝ մարտի 4-ին, խոշոր ավտովթար է տեղի ունեցել Երևանում։ Ժամը 15։50-ի սահմաններում Դավիթ Բեկի փողոցի 2-րդ հասցեի դիմաց բախվել են Երևանի բնակիչներ՝ 25-ամյա Էրիկ Դավթյանի վարած Dodge մակնիշի և 74-ամյա Ռուբեն Ալլախվերդյանի վարած Nissan XTrail մակնիշի ավտոմեքենաները։

Վթարի հետևանքով Nissan-ի վարորդը մարմնական վնասվածքներով տեղափոխվել է «Էրեբունի» բժշկական կենտրոն։

Բախման հետևանքով այնուհետև Dodge-ը բախվել է բետոնե էլեկտրասյանը։

Փաստի առթիվ նյութեր են նախապատրաստվում։

Ավտոմեքենաները տեղափոխվել են պարեկային ծառայության Երևանի գնդի հատուկ պահպանվող տարածք։