Մարդիկ սկսում են ատել միմյանց, երբ շատ շոգ է կամ ցուրտ
+12 °C-ից ցածր եւ +21 °C-ից բարձր ջերմաստիճանը կարող է բացասական ազդեցություն ունենալ հոգեկանի վրա եւ ագրեսիա հրահրել սոցցանցերում։ Նման եզրակացության են հանգել Պոտսդամի համալսարանի գիտնականները։ Նրանք վերլուծել են 2014-2020 թվականներին ամերիկացիների կողմից գրված 4 միլիարդ թվիթ։ Արհեստական ինտելեկտը գրառման մեջ ատելության խոսքի առկայությունը համեմատել է պատուհանից դուրս ջերմաստիճանի հետ, գրում է News.am-ը։
Ատելության լեզու ասելիս գիտնականները նկատի ունեին այն բառերը, որոնք խտրականություն են դնում մարդկանց միջեւ՝ ըստ կրոնի, սեռի, էթնիկական պատկանելության, ազգության, ռասայի, ծագման, արտաքինի եւ ինքնության ցանկացած այլ գործոնի հիման վրա:
Ամենաքիչ ագրեսիվ թվիթերը գրվել են +15°C-ից +18°C ջերմաստիճանում: Երբ դրսում +30 °C-ից ավելի տաք էր, համացանցում շատ ավելի մեծ ատելություն կար՝ բոլոր կլիմայական գոտիներում եւ սոցիալական համայնքներում:
Աշխարհի այլ հատվածներում հարմարավետության ջերմաստիճանային պատուհանը կարող է տարբեր լինել ԱՄՆ-ից: Բայց ամեն դեպքում, գիտնականների հետազոտությունը մատնանշում է պոտենցիալ վտանգը կլիմայական ճգնաժամի հետեւանքով հոգեկան առողջության համար:
