Հակասանիտարական վիճակ, թիվ 43 մանկապարտեզի հարևանությամբ գարշահոտ է տիրում. Shamshyan

Արդեն մի քանի շաբաթ է՝ Երևան քաղաքի Ֆուչիկի փողոցում, թիվ 43 մանակապարտեզի հարևանությամբ բնակություն է հաստատել անօթևան մի քաղաքացի, ով իր ունեցած ողջ գույքը, իրերը, անկողնային պարագաները տեղավորել է ողջ պատի երկայնքով և գիշերում է բաց երկնքի տակ։ 

SHAMSHYAN.com-ի թղթակցի հետ զրույցում տարեց կինը ասաց, որ ինքը տուն ունի, սակայն չգիտես ինչու այդտեղ է բնակվում և որ գոյություն պահպանելու միակ տարբերակը ապակյա շշեր հավաքելը և վաճառելն է։ 

Տարածքում տիրում է փնթի և հակասանիտարական վիճակ, դպրոց և մանկապարտեզ հաճախող հազարավոր մարդիկ ստիպված են լինում անցնել այդ վայրով, ուստի խնդրում ենք համապատասխան մարմինների աշխատակիցների ուշադրությունը՝ առաջացած խնդիրը լուծելու համար։