Իշխանության փակուղին

44-օրյա պատերազմից մեկ տարի անց կալանավորված պաշտպանության նախկին նախարար Դավիթ Տոնոյանը պատրաստ է պատասխանել պատերազմի հանգամանքներն ուսումնասիրող քննիչ հանձնաժողովի հարցերին: Սակայն, պայմանով, եթե վարչապետ Փաշինյանն էլ մասնակցի, ու նիստը բաց լինի։ Նա այդ մասին նախօրեին է հայտարարել կալանավայրից:

«Անկախ փորձագետների և ԱԺ ընդդիմադիր խմբակցությունների ներկայացուցիչների բացակայությունը քննիչ հանձնաժողովի նիստերին ոչ միայն հարցեր է առաջացնում վերջինիս աշխատանքի անկողմնակալության վերաբերյալ, այլև պարարտ հող է հանդիսանում քաղաքական շահարկումների, զրպարտանքների ու դիլետանտական բամբասանքների շարունակության համար», - հայտարարել է Դավիթ Տոնոյանը:

Այսպիսով, ՊՆ նախկին նախարարն առաջ է քաշել նախապայման, որը փակուղային է իշխանության համար:

Իշխանության սցենարով, Փաշինյանը Քննիչ հանձնաժողով պետք է գար միայնակ ու, այսպես կոչված, «ջերմոցային» պայմաններում առաջ քաշեր իր հայտնի թեզերը՝ «5-րդ շարասյան», դասալիքների մասին, մի խոսքով՝ պարտության պատասխանատվությունը բարդեր բանակի վրա:

Տոնոյանն, ըստ ամենայնի, փորձում է կանխել այս սցենարը:

Եթե իշխանությունն ընդունում է նախկին նախարարի նախապայմանը, ապա իշխանության PR-ը հայտնվում է կասկածի դեպքում, մյուս դեպքում՝ Քննիչ հանձնաժողովն ամբողջովին ապալեգիտիմացվում է:

Մի խոսքով, իշխանության համար փակուղային իրավիճակ է:

Վահրամ Բագրատյան